Semana 17
Alimentación no 2º trimestre
No segundo trimestre xa é necesario un incremento na cantidade da enerxía achegada ao corpo, ademais do aumento de proteínas, vitaminas e minerais.
A partir de agora non necesitas ter tanto tino coas calorías extra, como acontecía no primeiro trimestre. No segundo trimestre o aumento do peso chega a ser de 4 ou 5 quilogramos. De feito a cantidade de calorías deben auméntanse nunhas 300 ao día, así aseguraremos que o teu corpo e o feto teñen todo o que precisan.
Aumento do apetito
Posiblemente xa hai semanas que tes gusto pola comida. Isto débese, entre outras cousas, a que te atopas mellor. Pero este aumento no apetito tamén responde ás necesidades do teu corpo. O feto xa require moita máis enerxía, así que terás que proporcionarlla dunha forma responsable. A túa matrona explicarache como debes gañar peso en relación á túa constitución e ás circunstancias propias. Adiantámosche que o equilibrio é a clave: non tomes unha enchente de alimentos cheos de calorías baleiras, como os bolos industriais, pero tampouco é preciso levar un control exhaustivo sobre as calorías que inxires.
Petiscos saudables
Segue coa dieta axeitada
Non debes esquecer todos os bos hábitos que gañaches durante o primeiro trimestre e as pautas de alimentación xerais. Unicamente engade alimentos máis ricos en lípidos como os froitos secos, queixos curados, peixes azuis ou alimentos máis ricos en azucres sinxelos como as froitas. A base da alimentación debe ser a mesma: alimentación rica en verduras, froitas, cereais integrais, legumes, froitos secos e peixe e moderada en carnes magras e lácteos graxos.
Ferro, ferro e máis ferro
O mineral que se debe incrementar máis é o ferro. Este pode ser de orixe animal, de moi boa absorción, ou de orixe vexetal, de peor absorción. Ao primeiro grupo pertencen alimentos como as ameixas, os berberechos e as gambas. Os de orixe vexetal son igualmente válidos, se ben tes que coidar de non xuntalos con alimentos que limiten o seu aproveitamento como o café, o té ou os lácteos. Alimentos ricos en ferro de orixe vexetal son os legumes, sementes, pirixel, froitas deshidratadas, melazas ou froitos secos.
Coma sempre ollo coas vitaminas
Aínda que as achegas de ácido fólico son máis importantes no primeiro trimestre para evitar malformacións no feto, non as debes descoidar agora. Poderás atopalo de forma natural en alimentos como o xerme de trigo, froitos secos, chícharos, legumes, dátiles ou aguacates. Igualmente asegura a achega de todas as outras vitaminas, especialmente a vitamina D: feixóns, escarola, queixos curados, acelgas, ovos ou peixes azuis; e a B12: ovos, carne de aves, leite, marisco.
Importancia dos petiscos
A pesar de que ti te sintas con toda a enerxía do mundo, é importante que preveñas posibles desfalecementos. Unha das claves é manter os niveis de azucre constantes e para logralo é bo que comas cada pouco tempo. Con isto non queremos dicir que pases o día comendo lambonadas, senón que metas no teu bolso un saquiño de froitos secos ou un par de pezas de froita e que as tomes a media mañá e a media tarde.
