Semana 4

Hábitos saudables

Seguro que en canto saibas que estás embarazada porás máis atención por mellorar os teus hábitos. Faremos xuntos un repasiño a algún dos principios que non debes esquecer.

Unha embarazada non é unha enferma e pode, salvo excepcións, levar unha vida completamente normal. De todos os xeitos hai cousas ás que deberás prestar especial atención para que chegue a termo. Comecemos polo principio: hai cuestións de saúde que deben rexer a nosa vida sempre, pero moito máis agora que vas ser a única fonte de enerxía do futuro bebé. Parece claro que debemos evitar os costumes máis prexudiciais como é o consumo de drogas, alcohol ou tabaco. Se tes algún tipo de adicción e te sentes incapaz de renunciar a ela, recorre ao asesoramento do teu médico, el saberá axudarte.

Ollo cos estimulantes e medicamentos

É mellor tamén que evites a cafeína ou substancias estimulantes, pero sobre isto non hai un acordo total. Se ben algúns médicos restrinxen totalmente o consumo destas substancias, outros simplemente limitan as cantidades recomendadas. Por outra banda, terás que evitar tomar medicamentos pola túa conta e risco. No caso de precisar algún tipo de tratamento, terás que llo consultar sempre ao teu médico ou farmacéutico.

Os espazos contaminados

Presta tamén atención á entorna que che rodea e evita todo o que che inspire desconfianza como os espazos contaminados ou os produtos tóxicos en xeral. Tamén deberás evitar ter contacto con animais pouco coidados, especialmente gatos (portadores da toxoplasmose).

O momento de mellorar os hábitos da familia

Coidándose

Xunto ao que debes evitar, tamén hai moitos hábitos que podes mellorar. Seguro que se te paras a pensalo, poderás escribir unha longa listaxe. Así e todo, é importante que non te volvas tola intentando ser un paradigma de saúde. É sempre mellor que fagas caso ao sentido común.

Non leves pesos excesivos e non permanezas demasiado tempo de pé.
Procura facer deporte, sobre todo camiñar, pero evita os que supoñan moito impacto ou sexan moi fatigosos.
Descansa, sempre que poidas, coas pernas en alto. A túa circulación agradeceracho.
Evita tomar saunas durante o teu embarazo ou facer uso das termas, especialmente no primeiro trimestre.
Non comas calquera cousa en calquera lugar, sobre todo se non está cociñado.
Lembra que todos estes esforzos tamén lle incumben á túa parella. Se ben el pode tomalo cun pouco máis de relax, é importante que estes hábitos se manteñan despois na entorna do bebé.

Fumar

Lembra que fumar durante os primeiros meses do embarazo é un factor que ten unha grande influencia na sensibilización do feto a desenrolar alerxias e este tipo de risco aumenta se o recén nacido está exposto a un ámbito de fumadores.